कल्याणकारी उपक्रम

ठाणे पोलीस आयुक्तालयाच्या वतीने ‘रस्ता सुरक्षा अभियान २०२६’ अंतर्गत सुरू करण्यात आलेल्या ‘Traffic School on Wheels’ या अभिनव उपक्रमामध्ये ‘सडक सुरक्षा, जीवन रक्षा’ हा केवळ घोषवाक्याचा विषय नसून, प्रत्येक नागरिकाच्या जीवनाशी जोडलेली जबाबदारी आहे. वाहतूक नियमांचे महत्त्व केवळ दंडाच्या भीतीपोटी नव्हे, तर स्वतःच्या आणि इतरांच्या जीवाच्या सुरक्षेसाठी नागरिकांच्या मनात रुजले पाहिजे. यासाठी वाहतूकविषयक शिक्षण नागरिकांपर्यंत प्रत्यक्ष पोहोचविणारा ‘Traffic School on Wheels’ हा उपक्रम फिरत्या वाहतूक शाळेच्या माध्यमातून विद्यार्थी, वाहनचालक, व्यावसायिक चालक तसेच सामान्य नागरिकांना वाहतूक नियम, सुरक्षित वाहनचालकाचे वर्तन, हेल्मेट व सीटबेल्टचा वापर, वेगमर्यादा, सिग्नलचे पालन, लेन शिस्त तसेच मद्यपान करून वाहन चालविण्याचे गंभीर परिणाम याबाबत आधुनिक पद्धतीने मार्गदर्शन करण्यात येणार आहे.

दहावी व बारावी परीक्षार्थ्यांच्या मदतीसाठी ठाणे वाहतूक पोलीस सज्ज! 🚦 उशीर, वाहन बिघाड किंवा वाहतूक कोंडी झाल्यास तात्काळ हेल्पलाईनवर संपर्क करा. ५४ रायडर्स विद्यार्थ्यांना वेळेत परीक्षा केंद्रावर पोहोचवणार. 📞 8286300300 / 8286400400 📲 WhatsApp: 7039003866

उत्तर-पूर्व भारतातील विविध राज्यांमधून शिक्षण, नोकरी व करिअरसाठी महाराष्ट्रात वास्तव्यास असलेल्या विद्यार्थी व तरुण व्यावसायिकांसोबत थेट संवाद साधण्याचा लोकाभिमुख उपक्रम ठाणे पोलिसांकडून राबविण्यात आला. प्रजासत्ताक दिन २०२६ निमित्त आयोजित या संपर्क कार्यक्रमातून विश्वास, सुरक्षितता आणि आपलेपणाची भावना अधिक दृढ करण्याचा प्रयत्न करण्यात आला. ठाणे पोलीस — संवेदनशील, काळजीवाहू आणि सर्वसमावेशक 🚓🇮🇳 आपण सर्व भारतीय आहोत, हा समान धागा अधिक बळकट करणारा हा उपक्रम.

ठाणे पोलिसांच्या रस्ता सुरक्षा अभियानात सुरक्षित वाहतुकीबरोबरच विना अपघात वाहने चालवण्याचा डंका वाजवण्यासाठी "ठाणे कार्निव्हल" चे आयोजन करण्यात आले आहे. ठाण्याच्या साकेत मैदानात प्रजासत्ताक (२६ जाने.) दिनापासुन तीन दिवस होणाऱ्या कार्निव्हलमध्ये वाहतुक नियमांविषयी जनजागृतीपर विविध कार्यक्रमांसह ई वाहने, सुपर बाईक्स आणि व्हिन्टेज कारचे भव्य प्रदर्शन पाहण्याची संधी ठाणेकरांना लाभणार आहे. २६ ते २८ जानेवारी या कालावधीत सर्वांसाठी खुले असलेल्या या प्रदर्शनाचे उद्घाटन राज्याचे उपमुख्यमंत्री मा. ना. श्री. एकनाथजी शिंदे यांच्या हस्ते करण्यात आले.

🚦 रस्ता सुरक्षा अभियान २०२६ – ठाणे पोलीस 🚦 दिनांक १०/०१/२०२६ रोजी गडकरी रंगायतन, ठाणे येथे ठाणे पोलिसांच्या वाहतूक विभागाकडून रस्ता सुरक्षा अभियान २०२६ कार्यक्रम यशस्वीरित्या पार पडला. या कार्यक्रमास मा. पोलीस आयुक्त ठाणे श्री. अशुतोष डुंबरे, मा. आयुक्त ठाणे महानगरपालिका श्री. सौरभ राव, वरिष्ठ पोलीस अधिकारी, सिनेअभिनेते श्री. श्रेयस तळपदे व प्रतिष्ठित उद्योजक श्री. अभिजित गणू यांची प्रमुख उपस्थिती लाभली. शाळा व महाविद्यालयीन विद्यार्थी, पालक व NSS स्वयंसेवकांनी पथनाट्य व संदेशपर उपक्रमांद्वारे नागरिकांना वाहतूक नियमांचे पालन करण्याचे महत्व प्रभावीपणे पटवून दिले. 🚦 सुरक्षित प्रवासासाठी नियमांचे पालन आवश्यक 🚦 #RoadSafetyAbhiyan #ThanePolice #TrafficPolice #RoadSafetyAwareness

🎥 सांगता निरोप समारंभ | “माझ्या पोलीस ठाणेला भेट द्या” उपक्रम ठाणे जिल्हा सत्र न्यायालय येथे “माझ्या पोलीस ठाणेला भेट द्या” या उपक्रमाचा सांगता निरोप समारंभ पार पडला. ठाणे पोलीस आयुक्तालयांतर्गत राबविण्यात आलेल्या या उपक्रमात ३५ पोलीस ठाणे व ६०० पेक्षा अधिक महाविद्यालयीन स्वयंसेवकांनी सक्रिय सहभाग घेतला. हा उपक्रम ठाणे पोलीस आयुक्तालय, महाराष्ट्र राज्य कायदेशीर सेवा प्राधिकरण, ठाणे जिल्हा कायदेशीर सेवा प्राधिकरण व ग्लोबल केअर फाउंडेशन यांच्या संयुक्त विद्यमाने राबविण्यात आला. पोलीस व नागरिक यांच्यातील दरी कमी करणे, नागरिकांच्या समस्या समजून घेऊन त्यावर उपाययोजना करणे हा या उपक्रमाचा मुख्य उद्देश आहे. 🏆 विजेते पोलीस ठाणे : 🥇 महात्मा फुले पोलीस ठाणे 🥈 कासारवडवली पोलीस ठाणे 🥉 शांतीनगर पोलीस ठाणे मा. पोलीस आयुक्त, ठाणे शहर श्री. आशुतोष डुंबरे, तसेच मान्यवरांच्या उपस्थितीत समारोप सोहळा संपन्न झाला. 🔖 YouTube Hashtags: #ThaneCityPolice #MyPoliceStationVisit #माझ्यापोलीसठाणेलाभेटद्या #CommunityPolicing #PoliceAndPublic #LegalAwareness #GlobalCareFoundation #ThaneDistrictCourt #CitizenFirst #SafeThane ChatGPT can make mistakes. Check

पोलीस दलावरील जनतेचा विश्वास दृढ करण्यासाठी आणि पोलीसांच्या कामकाजाबाबत पारदर्शकता आणि जागरुकता वाढवण्यासाठी महाराष्ट्र राज्य कायदेशीर विधी सेवा प्राधिकरण (MSLSA), ठाणे जिल्हा कायदेशीर विधी सेवा प्राधिकरण (DLSA) आणि ग्लोबल केअर फाउंडेशन, मुंबई यांच्या सहकार्याने "माझे पोलीस स्टेशनला भेट द्या" या नावाने एक सार्वजनिक पोहोच उपक्रम आयोजित करत आहे. या कार्यक्रमाचा उद्देश नागरीक आणि पोलीसांमधील दरी कमी करणे आहे, ज्यामुळे रहिवाशांना त्यांच्या संबंधीत पोलीस ठाण्यांना खुल्या, स्वागतार्ह आणि संवादात्मक वातावरणात भेट देण्यास प्रोत्साहित केले जाईल. या उपक्रमामुळे गैरसमज दूर होतील, जतनेचा विश्वास वाढेल आणि कायदेशीर मदत सेवा आणि नागरिकांच्या हक्कांबद्दल जागरुकता निर्माण होईल.

ठाणे शहर पोलीस आयुक्तालयाच्या अधिपत्याखाली येणाऱ्या सिद्धी हॉलची सुविधा ही पोलीस कल्याण निधी अंतर्गत उपलब्ध आहे. सदर हॉल पोलीस अधिकारी/अंमलदार, मंत्रालयीन अधिकारी/कर्मचारी आणि वर्ग ४ चे कर्मचारी, जे पोलीस कल्याण निधीचे सभासद आहेत, यांच्यासाठी लग्नसमारंभ तसेच इतर कार्यक्रमांच्या आयोजनासाठी भाडे तत्वावर उपलब्ध करून देण्यात येते. आत्तापर्यंत सिद्धी हॉलचे आरक्षण करण्यासाठी संबंधितांनी कार्यालयात येऊन अर्ज सादर करावा लागत असे. सध्या, दिनांक २३/१०/२०२५ पासून हॉलचे आरक्षण ऑनलाईन पद्धतीने करता येईल. आरक्षणाची ही नवीन प्रक्रिया अधिक सुलभ, पारदर्शक व तांत्रिकदृष्ट्या सक्षम आहे. ऑनलाईन बुकिंग कसे करावे? सिद्धी हॉलचे बुकिंग करण्यासाठी खालील संकेतस्थळावर भेट द्यावी: 🔗 https://siddhihall.thanepolice.in वापरकर्त्यांनी या वेबसाईटवर लॉगिन करून आवश्यक त्या माहितीच्या आधारे ऑनलाईन अर्ज सादर करावा.

मा. पोलीस आयुक्त, ठाणे श्री. आशुतोष डुंबरे यांचे संकल्पनेतून व मा. पोलीस सह आयुक्त श्री. ज्ञानेश्वर चव्हाण यांचे मार्गदर्शनाखाली पोलीस अधिकारी व अंमलदार यांच्या भावनिक व मानसिक स्वास्थ्याच्या गरजांकडे लक्ष देण्यासाठी 'वेलनेस सेंटर' हा उपक्रम आज दिनांक २६/०९/२०२५ रोजी पोलीस उपायुक्त परिमंडळ २, भिवंडी कार्यालय येथे सुरू करण्यात आला आहे. आहान फाउंडेशनच्या फाउंडर अँड सीईओ सोनाली पाटणकर, श्री उन्मेश जोशी व श्री स्वप्निल पांगे यांनी या उपक्रमासाठी पोलीस विभागासोबत संयुक्तपणे हा उपक्रम सुरू केला आहे. आहान फाउंडेशन सन २०१२ पासून नोंदणीकृत ट्रस्ट असून मुलांच्या व वयस्कांच्या भावनिक आणि मानसिक स्वास्थ्याच्या गरजांकडे लक्ष देण्यासाठी तसेच त्यांना वाढ, विकास आणि मानसिक सक्षमता यासाठी संधी उपलब्ध करून देण्यासाठी कार्य करते. मानसिक आरोग्याविषयी जागरुकता, प्रारंभिक हस्तक्षेप आणि क्षमता वृद्धीवर आधारित संरचित कार्यक्रमांच्या माध्यमातून मुले, व्यक्ती, कुटुंबे आणि समुदाय यांना सक्षम करतात. मुलांच्या सर्वागीण विकासाला प्रोत्साहन देणे, समुदायांना महत्त्वाच्या सामाजिक विषयांबाबत संवेदनशील करणे आणि सामूहिक कृतीद्वारे सकारात्मक बदल घडवून आणणे हे ध्येय आहे. आहान फाउंडेशन ५ राज्यात शासनाबरोबर मानसिक आरोग्य संदर्भातील विविध कार्यक्रम राबवत आहेत. यात प्रामुख्याने रिस्पॉन्सिबल नेटिझम, सायबर वेलनेस सेंटर, ऑटिझम संदर्भात जनजागृती व प्रशिक्षण, मानसिक आरोग्य सेवा हे उपक्रम राबवित आहे. पोलीस उपायुक्त परिमंडळ २, भिवंडी कार्यालयातील वेलनेस सेंटरचे उद्घाटन मा. अपर पोलीस आयुक्त (पश्चिम प्रादेशिक विभाग, ठाणे) श्री. विनायक देशमुख यांचे हस्ते झाले असून त्यावेळी पोलीस उप आयुक्त, श्री. शशिकांत बोराटे, सहायक पोलीस आयुक्त श्री. सचिन सांगळे, व श्री. विजय मराठे, तसेच परिमंडळ २ मधील सर्व ६ पोलीस ठाणेचे वरिष्ठ पोलीस निरीक्षक उपस्थित होते. आहान फाउंडेशनचे फाउंडर व सी. इ. ओ सोनाली पाटणकर, श्री. उन्मेष जोशी, श्री. स्वप्निल पांगे यांनी परिमंडळातील पोलीस अधिकारी व अंमलदार यांना सदर उपक्रमाबाबत मार्गदर्शन केले. सदर उपक्रमास डॉ. श्रीकांत परोपकारी पोलीस उपायुक्त (मुख्या-१) यांनी मोलाचे सहकार्य केले.

अलीकडच्या काळातील सायबर गुन्हयांचे वाढते प्रमाण लक्षात घेऊन मा. पोलीस आयुक्त, ठाणे शहर यांचे संकल्पनेतून ठाणे पोलीस आयुक्तालयात होणाऱ्या सायबर गुन्हयांचे तपासाकरिता प्रत्येक पोलीस ठाण्यात यापुर्वी सायबर कक्ष स्थापन करण्यात आलेला आहे. तसेच सदर गुन्हयांचे तपासाकरिता सायबर तज्ञ आवश्यक असल्याची बाब लक्षात घेवून त्यांनी प्रत्येक पोलीस ठाण्यात दोन सायबर तज्ञांची नेमणूक केली आहे. सायबर गुन्हयांचा तपास करत असताना असेही आढळून आले की, गुन्हेगार गुन्हयांतील रक्कमेचा क्रिप्टोकरंसीच्या माध्यमातून अपहार करत आहेत. त्यामुळे अपहारित रक्कमेचा माग काढणे व ती रक्कम हस्तगत करणे अवघड जात आहे. अशा परिस्थितीत क्रिप्टोकरंसी संबधीत तज्ञांची आवश्यकता लक्षात घेवून मा. पोलीस आयुक्त, ठाणे शहर यांनी ठाणे पोलीस आयुक्तालयात प्रथमच सायबर पोलीस ठाणे येथे 'क्रिप्टोकरंसी अन्वेषण कक्षाची' आज दिनांक २४/०९/२०२५ रोजी स्थापना करून कक्षाचे उद्घाटन केले आहे. सदर कक्षामध्ये आर्थिक गुन्हे शाखा व सायबर पोलीस ठाण्यातील क्रिप्टोकरंसीबाबत विशेष प्राविण्य असलेल्या पोलीस अधिकारी व अंमलदार यांची नेमणूक करण्यात आली आहे. सदरचे अधिकारी पोलीस आयुक्तालयातील पोलीस ठाण्यांमध्ये सायबर गुन्हयांचा तपास करणाऱ्या सर्व तपास अधिकाऱ्यांना क्रिप्टोकरंसी संबधाचे प्रशिक्षण देणार असून तपासातही मदत करणार आहेत. त्यामुळे फसवणूकीच्या गुन्हयांना मोठ्या प्रमाणात आळा बसण्यास मदत होणार आहे.

सायबर गुन्हयांचा तपास करत असताना गुन्हेगार गुन्हयांतील रक्कमेचा क्रिप्टोकरंसीच्या माध्यमातून अपहार करत आहेत.त्यामुळे अपहारित रक्कमेचा माग काढणे व ती रक्कम हस्तगत करणे अवघड जात आहे.अश्या परिस्थितीत क्रिप्टोकरंसी संबधीत तज्ञांची आवश्यकता लक्षात घेवून मा.पोलीस आयुक्त,ठाणे यांनी ठाणे पोलीस आयुक्तालयात प्रथमच सायबर पोलीस ठाणे येथे क्रिप्टोकरंसी अन्वेशण कक्षाचे उदघाटन करण्यात आले.

दिनांक ११/०९/२०२५ रोजी ठाणे पोलीस आयुक्तालयातील पोलीस मुख्यालय येथे SMART HQ DUTY MANAGEMENT APPILICATION या अॅपचे उद्घाटन डॉ. श्री. ज्ञानेश्वर चव्हाण, पोलीस सह आयुक्त, ठाणे यांच्या हस्ते करण्यात आले. सदरवेळी श्री. श्रीकांत पाठक, अपर पोलीस आयुक्त (प्रशासन), डॉ. श्रीकांत परोपकारी, पोलीस उप आयुक्त, मुख्यालय १, श्री. प्रविण बनसोड, पोलीस उप आयुक्त, मुख्यालय-२ तसेच पोलीस मुख्यालयातील पोलीस अधिकारी/अंमलदार व बिनतारी संदेश विभागातील पोलीस अधिकारी /अंमलदार उपस्थित होते. सदर अॅप्लीकेशन मुळे वेळेचे नियोजन, कर्तव्यामध्ये पारदर्शकता, हजेरी व्यवस्थापन जलद गतीने करण्याकरिता, कर्तव्याचे नियोजन जलद गतीने होण्यास मदत होणार आहे. तसेच पोलीस अधिकारी / अंमलदार यांना त्यांना नेमण्यात येण्या-या कर्तव्याची माहिती जलद गतीने त्यांच्या मोबाईलवर उपलब्ध होणार आहे. या व्यतिरिक्त कर्तव्यावर हजर असलेले अंमलदार, केलेली कार्यवाही व कार्यमुक्त याचा अहवाल सदर अॅप्लीकेशनमुळे उपलब्ध होणार आहे. पोलीस अधिकारी/अंमलदार यांना मुख्यालय येथे हजेरीसाठी येण्याची गरज लागणार नाही. सदर अॅप व्दारे हजर मनुष्यबळाची माहिती तात्काळ मिळणार असल्याने पोलीस अंमलदारांचा बहुमुल्य वेळेची बचत होणार आहे. तसेव वरिष्ठ पोलीस अधिका-यांना हजर मनुष्यबळ व कर्तव्यावर नेमलेल्या माहितीचा अहवाल एका क्लिकव्दारे उपलब्ध होणार आहे. सदर SMART HQ DUTY MANAGEMENT APPILICATION अॅप पोलीस मुख्यालय येथे चालु करण्यात आल्यामुळे पोलीसांच्या दैनंदिन कर्तव्यात पारदर्शकता व वेळेची मोठया प्रमाणात बचत होणार असल्याने पोलीस अंमलदारांनी समाधान व्यक्त केले आहे.

नागरिकांसाठी " निर्भय ठाणे " Whats app Chat Bot संदर्भात प्रभावी अंमलबजावणी ठाणे शहर पोलीस दल अधिकाधिक जनताभिमुख करण्याच्या उद्देशाने व पोलीसांच्या विविध सेवा/उपक्रम जनतेपर्यंत प्रभावीपणे पोहचविण्याच्या दृष्टीने ठाणे शहर पोलीसांचे अधिकृत Twitter, Facebook, Instagram, व Whatsapp चॅनेल इत्यादी सोशल मिडीयाद्वारे प्रभावीपणे वापर सुरू आहे. ठाणे आयुक्तालयाकडून मोबाईल क्रमांक 70394 55555 या क्रमांकाची "निर्भय ठाणे" Whats app Chat Bot सेवा नागरीकांसाठी आज दिनांक २९/०८/२०२५ रोजी मा. पोलीस सह आयुक्त डॉ. ज्ञानेश्वर चव्हाण यांच्या हस्ते लोकार्पित करण्यात आली.

🔐 ठाणे शहर पोलीस आयुक्तालयात सायबर सुरक्षेसाठी एक पाऊल पुढे! सर्व पोलीस ठाण्यांतील सायबर सेलमध्ये सायबर योद्ध्यांची नियुक्ती. दिनांक २५/०८/२०२५ रोजी 🚔💻 #CyberSafety #ThanePolice #CyberWarriors

📢 व्यावसायिक सुरक्षेसाठी ठाणे पोलिसांचा पुढाकार 🚔 पोलीस आयुक्त श्री. आशुतोष डुंबरे यांनी भारत मर्चंट्स चेंबरच्या ठाणे, बदलापूर, कल्याण, भिवंडी व उल्हासनगर येथील सदस्यांशी वाहतूक समस्या व गुन्हे प्रतिबंधाबाबत चर्चा करून तातडीने कार्यवाहीचे आश्वासन दिले. दिनांक ११/०८/२०२५ रोजी #ThanePolice #BusinessSafety #TrafficAwareness #CrimePrevention #ThaneCityPolice

नागरिकांना तत्पर सेवा देण्यासाठी उल्हासनगर परिमंडळ-४ मध्ये दिनांक १०/०८/२०२५ रोजी पायाभूत सुविधा वृद्धीचा नवा टप्पा! पोलीस नियंत्रण कक्ष व महिला तक्रार निवारण कक्षाचे नूतनीकरण, तसेच नवीन सीसीटीव्ही कक्ष व कॉन्फरन्स हॉलचे उद्घाटन मा. पोलीस आयुक्त श्री. आशुतोष डुंबरे यांच्या हस्ते संपन्न. 👮♂️ सुरक्षिततेकडे आणखी एक पाऊल! #ThanePolice #Ulhansanagar #PublicSafety #SmartPolicing #WomenSafety #CCTVSurveillance #PoliceInfrastructure #ThaneCity

🩸 रक्तदान – जीवनदान! 04/08/2025 रोजी सिद्धी हॉल, ठाणे येथे ठाणे पोलीस आयुक्तालय, पोलीस दवाखाना आणि शासकीय रक्तपेढी, उल्हासनगर यांच्या संयुक्त विद्यमाने रक्तदान शिबीर यशस्वीपणे पार पडले. 👮♂️ पोलीस अधिकारी व अंमलदारांचा उत्स्फूर्त सहभाग! #ThanePolice #BloodDonation #रक्तदान

🎉 पदोन्नती – कर्तृत्वाला मान्यता! मा. पोलीस आयुक्त श्री. आशुतोष डुंबरे सर यांनी ठाणे पोलीस दलातील १६ पोलीस अंमलदारांना पदोन्नती निमित्त प्रत्यक्ष भेट दिली, त्यांचे मन:पूर्वक अभिनंदन केले आणि पुढील वाटचालीसाठी शुभेच्छा दिल्या. 👮♂️ कर्तृत्वाला मिळालेली योग्य पावती!

To view video Facebook link :- https://www.facebook.com/share/v/1DQroQcUMy/ Youtube channel link :- https://www.youtube.com/live/5tBMOScUKmA

ठाणे पोलीस आयुक्त श्री. आशुतोष डुंबरे यांच्या संकल्पनेने #CAWSEFoundation च्या सौ. कल्पना व श्री. जितेश मोरे यांच्या सहकार्याने अमली पदार्थ विरोधी जनजागृती सप्ताह (२३ ते २८ जून २०२५) ठाणे, भिवंडी आणि डोंबिवली परिसरातील विविध शाळा व महाविद्यालयांमध्ये यशस्वीरित्या राबविण्यात आला. या जनजागृती उपक्रमात विद्यार्थ्यांना अमली पदार्थांचे दुष्परिणाम, मानसिक आरोग्य, राग नियंत्रण, तसेच सुरक्षित आणि असुरक्षित स्पर्श (Safe & Unsafe Touch) याबाबत सविस्तर माहिती देण्यात आली. विद्यार्थ्यांमध्ये या विषयांबद्दल जागरूकता निर्माण करून त्यांना 'स्वतःची आणि इतरांची सुरक्षितता जपण्यासाठी सक्षम बनविणे' हा उपक्रमाचा प्रमुख उद्देश होता. या सप्ताहात सुमारे ३९५० विद्यार्थ्यांनी सहभाग नोंदवला. उपक्रमांत * शाळा आणि कॉलेज परिसरात रॅलीज,निबंध स्पर्धा – “व्यसनमुक्त भारतात माझे योगदान” * प्रश्नोत्तर सत्र व समुपदेशन * मोकळ्या गप्पा व संवाद सत्र यांचा समावेश होता. या कार्यक्रमात गुन्हे शाखेचे सहायक आयुक्त श्री. विनय घोरपडे, अमली पदार्थ विरोधी कक्षाचे श्री. जगदीश गावित, तसेच कॉज फाऊंडेशनचे संस्थापक सौ. कल्पना व श्री. जितेश मोरे, आणि युवा श्री. रुद्र मोरे यांनी सहभाग घेतला. या उपक्रमाच्या माध्यमातून युवकांमध्ये सकारात्मक विचार, आत्मविश्वास आणि सामाजिक जबाबदारीची जाणीव निर्माण करण्यात आली. विद्यार्थ्यांनी स्वतःहून सहभाग घेऊन विविध विषयांवर विचार मांडले, प्रश्न विचारले आणि अनुभव शेअर करत उपक्रमाला अधिक अर्थपूर्ण बनवले. ठाणे पोलीस आणि कॉज फाऊंडेशन पुढील काळात हा उपक्रम इतर भागातही राबविणारअसून, विद्यार्थ्यांसाठी सुरक्षित आणि व्यसनमुक्त वातावरण निर्माण करण्याच्या दिशेने पाऊल उचलण्यात येणार आहे.दरवर्षीप्रमाणे संपूर्ण वर्षभर हा उपक्रम चालू राहणार आहे.अशी माहिती सौ. कल्पना मोरे यांनी दिली असून सर्व शाळांनी व महावियालयानी आपल्या विद्यार्थ्यांच्या सुरक्षित भविष्यासाठी यात सहभागी होण्यासाठी आवाहन केले आहे.

पोलीस आयुक्त कार्यालयात देण्यात येणाऱ्या नवीन शस्त्र परवाना, परवाना नूतनीकरण, मुदतवाढ, आंतरराज्य परवाना, ज्वलनशील परवाना, ऑकेस्टा व बार परवाना करीता नवीन संगणक प्रणाली कार्यरत. परवाना प्रक्रियेमध्ये सुलभता व एकसूत्रीपणा येण्यासाठी आधुनिक तंत्रज्ञानावर आधारीत LICENCE MANAGEMENT SOFTWARE SYSTEM सुरु करण्यात आली आहे. सदर संगणक प्रणाली मार्फत परवानाधारक यांना परवाना नूतनीकरणाबाबत एसएमएस सूविधा उपलब्ध. दि. ०७ एप्रिल २०२५ रोजीपासून प्रशासकीय कामकाजात सुसूत्रिपणा व गतिमानता आणण्यासाठी एक खिडकी योजना कार्यान्वित करण्यात आली आहे.

पोलीस आयुक्त कार्यालयात भेटी देणा-या अभ्यागतांच्या प्रक्रियेमध्ये सुलभता व एकसूत्रीपणा येण्यासाठी आधुनिक तंत्रज्ञानावर आधारीत अभ्यागत व्यवस्थापन प्रणाली सुरु करण्यात आली आहे. अभ्यागतांच्या भेटीबाबत दैनिक/साप्ताहिक व मासिक विश्लेषण करण्यात येते. नागरिकांना त्यांचे अभिप्राय नोंदविण्याची सुविधा पुरविण्यात आली आहे.

तायक्वांदो सामना :- नागपूर शहर विरुद्ध प्रशिक्षण संचनालय (महिला) तायक्वांदो सामन्यात प्रशिक्षण संचनालय विजयी झाला आहे.

कुस्ती सामना (महिला) :- कोल्हापूर परिक्षेत्र विरुद्ध प्रशिक्षण संचनालाय (महिला) कोल्हापूर परिक्षेत्र विजयी तसेच नवी मुंबई/ मिरा भाईंदर्वि/ कोकण परिक्षेत्र वीरुद्ध छत्रपती संभाजी नगर नवी मुंबई/ मिरा भाईंदर्वि/ कोकण परिक्षेत्र विजयी झाला आहे.

दि. २२/०२/२०२५ ते दि. ०१/०३/२०२५ दरम्यान ३५ व्या महाराष्ट्र राज्य पोलीस क्रीडा स्पर्धा २०२५ चे थेट प्रक्षेपणासाठी लिंक वर क्लिक करा.. https://35mspgthanecity.com/live_videos

मा.पोलीस आयुक्त श्री.आशुतोष डुंबरे यांच्या संकल्पनेतून पोलीस दलात खंबीरपणे कर्तव्य पार पाडणाऱ्या महिला पोलीस अधिकारी व अंमलदार यांच्याकरिता "महिला पोलीस विश्रामिका" नावाने फिरत्या व्हॅनचे अनावरण श्रीमती सुलभा पाटील, सहा.पोलीस आयुक्त, नियंत्रण कक्ष यांच्याहस्ते करण्यात आले.

The above terms and conditions are subject to change as per State Government rules and amendments made by the Licencing Authority from time to time. The Licencing Authority may ask for any other necessary documents if required other than mentioned above.

MEDICAL HEALTH CAMP FOR POLICE PERSONNEL & THEIR FAMILIES---LAUGHTER THERAPY BYSHRI RAJU SHRIVASTAVA 2017

कोरोना कालावधीत व तत्पूर्वी कर्तव्यावर असताना निधन झालेल्या पोलीस अंमलदाराच्या ७४ पाल्यांना अनुकंपा तत्वावर मा.पोलीस महासंचालक श्री हेमंत नगराळे यांच्या हस्ते नियुक्तीपत्र देण्यात आले. ठाणे पोलीस दलाचा अशाप्रकारचा राज्यातील पहिलाच उपक्रम!

महाराष्ट्र पोलीस "रेझिंग डे" सप्ताह निमित्त ठाणे शहर पोलीस आयुक्तालयातील विविध पोलीस ठाणे मार्फत वैयक्तिक स्वसंरक्षण, महिला व बालसुरक्षा, आणि सायबरसुरक्षा यावर लक्ष केंद्रित करून सुरक्षित वातावरण निर्माण करण्याकरिता जनजागृती कार्यक्रमाचे आयोजन करण्यात आले.

मा. अपर पोलीस आयुक्त सो., पूर्व प्रादेशिक विभाग यांच्या 'युवा संवाद संकल्पना' अनुषंगाने आर के अभंग शाळा, उल्हासनगर 4 या शाळेमध्ये कार्यक्रमाचे आयोजन करून विद्यार्थ्यांना सायबर गुन्हयांपासून बचाव, सायबर क्राईम तक्रार पोर्टल 1930 या नंबरचे महत्व याबाबत मार्गदर्शन करण्यात आले.

राबोडी पोलीस ठाणे तर्फे वरिष्ठ पोलीस निरीक्षक श्री हेमंत पाटील यांनी ब्रम्हाळा तलाव, ठाणे येथे ज्येष्ठ नागरिकांसाठी "संवाद" कार्यक्रमाचे आयोजन करून सदर कार्यक्रमात ज्येष्ठ नागरिकांच्या सुरक्षा विषयी समस्या व घ्यावयाची काळजी या विषयी मार्गदर्शन करण्यात आले.

ठाणे पोलीस आयुक्तालयांतर्गत कापूरबावडी पोलीस स्टेशन व ईगल ब्रिगेड फाउंडेशन यांच्या सहकार्याने भारतीय संस्कार शाळा येथे सायबर गुन्हे जनजागृती, मुले आणि मुलींची सुरक्षितता, 112 हेल्प लाईन, अमली पदार्थ, याविषयी माहिती व चर्चासत्र आयोजित करण्यात आले होते.